ALVARO MORATA AFUNGA MAGOLI MATATU CHELSEA IKIUWA

ALVARO MORATA AFUNGA MAGOLI MATATU CHELSEA IKIUWA

Alvaro Morata amefunga magoli matatu yaani hat-trick na kuisaidia Chelsea kuifunga Stoke City magoli 4-0 katika mchezo wa Ligi Kuu ya Uingereza.

Kikosi hicho cha Antonio Conte kilipata goli la kwanza kupitia kwa Morata, kisha Stoke City wakaizaiwadia tena Chelsea goli la pili lililofungwa na Pedro.

Morata akafunga goli la tatu akikimbia umbali wa nusu uwanja na kumalizia vizuri kwa kuutumbukiza mpira pembeni na kisha akakamilisha hat-trick.
  Mchezaji mpya wa Chelsea Alvaro Morata akifunga moja ya magoli yake matatu katika mchezo huo
   Kipa wa Chelsea Courtois akianguka vibaya baada ya kugongana na beki wake Garry Cahill 
MANCHESTER CITY YAIPIGA MKONO CRYSTAL PALACE

MANCHESTER CITY YAIPIGA MKONO CRYSTAL PALACE

Vinara wa Ligi Kuu ya Uingereza Manchester City ilibidi wawe wastahamilivu kabla ya kufanikiwa kuinyong'onyeza Crystal Palace na kuibuka na ushindi wa magoli 5-0.

Manchester City ilibidi ingoje hadi karibu mwisho wa nusu ya kwanza pale Leroy Sane kwa kufunga goli safi lililoamsha ari ya ushindi.

Raheem Starling aliifungia Manchester City magoli mawili, kabla ya Sergio Aguero kutupia goli na nne na Fabian Delph akifunga goli la tano.
                Leroy Sane akishangilia baada ya kufunga goli la kwanza la Manchester City 
        Raheem Sterling akifunga moja ya magoli yake kati ya mawili aliyoifungia Manchester City

LUKAKU AISAIDIA MANCHESTER UNITED KUIBUKA NA USHINDI FINYU

LUKAKU AISAIDIA MANCHESTER UNITED KUIBUKA NA USHINDI FINYU

Mshambuliaji Romelu Lukaku amefunga goli lake la sita katika Ligi Kuu ya Uingereza katika msimu huu na kuipatia Manchester United ushindi wa goli 1-0 dhidi ya Southampton.

Lukaku alitikisa nyavu katika dakika 20 ya mchezo kwa mpira uliogonga mwamba na kurudi baada ya kipa Fraser Forster kupangua mpira wa kichwa wa krosi ya Ashley Young.

Kwa matokeo hayo Manchester United wanaendelea na rekodi ya kutofungwa katika msimu huu na wapo nyuma ya vinara Manchester City kwa tofauti ya magoli.
  Mshambuliaji Romelu Lukaku akifunga goli pekee la Manchester United katika mchezo huo
Southampton walijaribu bila ya mafanikio kurejesha goli hilo ila kipa wa Manchester United alikuwa makini
WANAJESHI WAPEWA ONYO KALI KUHUSU MATUMIZI YA MITANDAO YA KIJAMII

WANAJESHI WAPEWA ONYO KALI KUHUSU MATUMIZI YA MITANDAO YA KIJAMII

MKUU wa Majeshi Jenerali Venance Mabeyo ametoa onyo kali huku akiawaagiza wanajeshi kuacha kujihusisha na matumizi mabaya mitandao ya kijamii kwani kufanya hivyo ni kinyume na taratibu za jeshi.
Jenerali Mabeyo amesema hayo leo Jumamosi katika hafla ya kutunuku nishani  ya  Luteni Usu kwa maofisa 422 wa jeshi iliyofanyika katika Uwanja wa Sheikh Amri Abeid jijini Arusha.
Amesema jukumu la wanajeshi ni ulinzi wa Taifa hivyo kujiingiza katika mambo yasiyofaa ni ukiukwaji wa taratibu za jeshi hilo.
Mabeyo amewataka wanajeshi kuepuka kuliingiza jeshi kwenye siasa na badala yake wanatakiwa kuwa na uzalendo kwa Taifa lao.
“Niwasihi msimame kwenye kiapo mlichoapa leo. Wapo baadhi ya askari husahau kwa haraka na kukiuka kiapo, msifike huko. Matamshi uliyoyatoa leo yanaelekeza wajibu wako, utii, kuilinda katiba, kumtii Rais na kumtumikia.” alisema Mabeyo.
MKUU WA MKOA WA TANGA APOKEA VIFAA TIBA KUTOKA KWA UZALENDO KWANZA

MKUU WA MKOA WA TANGA APOKEA VIFAA TIBA KUTOKA KWA UZALENDO KWANZA

Mkuu wa Mkoa wa Tanga, Mhe. Martine Shigella, akitokea msaada wa vifaa tiba kutoka kwa Mwenyekiti wa UZALENDO KWANZA, Steve Nyerere wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga. PICHA ZOTE NA KAJUNASON/MMG – TANGA.

Vifaa vilivyotolewa na wasanii na wachezaji hao katika uwanja wa Tangamano ikiwa ni Kampeni ya Uzalendo kwanza ni pamoja na Ultra Sound, mashine ya X- Ray, Wheel Chair, Magongo ya walemavu na craches.

Shigella amepokea vifaa hivyo ikiwa ni moja ya Kampeni ya UZALENDO KWANZA ambayo inaongozwa na wasanii na wacheza mpira ikiwa na lengo la kuunga mkono juhudi za Rais Dkt. John Pombe Magufuli katika kuchangia maendeleo ya nchi. Ambapo vifaa hivyo vinagawiwa katika hospitali za Ngamiani, Makorola, Pongwe na Mikanjuni.
Mkuu wa Mkoa wa Tanga, Mhe. Martine Shigella, akitokea msaada wa vifaa tiba kutoka kwa Mwenyekiti wa UZALENDO KWANZA, Steve Nyerere wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.
Vijana wazalendo wa UZALENDO KWANZA wakibeba vifaa Tiba ambavyo walitoa kwa ajili ya hospitali za mkoa wa Tanga.
Mkuu wa mkoa wa Tanga, Martin Shigella aliwataka wasanii na wacheza mpira hao kuhakikisha wanatumia umaarufu walionao ili kuweza kuwavutia wawekazaji kutoka nje ya nchi ili kukuza uchumi wa nchi.

“Wasanii mnadhamana kubwa ya kuhakikisha mnatumia vema vipaji vyenu ili kuweza kusaidia juhudi kubwa zinazofanywa na serikali kuhakikisha Tanzania inakuwa nchi ya viwanda kwa wao kuvutia wawekezaji ambao wanaweza kuwekeza katika nyanja mbalimbali.” alisema

“Ninatambua asilimia kubwa mlizunguka kwenye kampeni mkiwaomba watanzania wamchague Rais Dkt. John Pombe Magufuli kutokana na dhamira yake nzuri ya kuletea maendeleo lakini pia hivi sasa mnashirikiana naye kwenye sekta ya afya kwa kumuunga mkono kwa kutoa mchango wenu niwaambie huu ni uzalendo ambao ni msingi wa maendeleo ya Taifa”

“Kwa mfano Baba wa Taifa Mwalimu Nyerere na wazee wengine walipigania Taifa hii kwa sababu ya uzalendo na ndio maana mnaona Rais wetu namna anavyopambana kuhakikisha rasilimali za Taifa zinalindwa na kutunzwa kwa ajili ya vizazi vya sasa na baadae kwa lengo la kila mtanzania kuweza kunufaika nazo “
                                  Wananchi wakifuatilia wakati halfa ya ugawaji wa vifaa tiba.

Mkuu wa Wilaya ya Handeni, Godwin Gondwe, akiwashukuru UZALENDO KWANZA kwa jinsi walivyoweza kujitoa kwa hali na mali vifaa tiba kwa hospitali za mkoa wa Tanga.
Mkuu wa wilaya ya Tanga Mhe. Thobias Mwilapwa akitoa msisitizo kwa wasanii wa Tanga kuwa na moyo kama wa UZANDO KWANZA wa kuweza kujitoa kwa moyo mmoja wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.
Mstahiki Meya wa Jiji la Tanga.Alhaji Mustapha Selebosi akitoa neno la shukrani wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.
Mwenyekiti wa UZALENDO KWANZA, Steve Nyerere akieleza machache wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.

Akikabidhi vifaa hivyo, Mwenyekiti wa Kampeni ya UZALENDO KWANZA, Steven Mengele ‘Nyerere’ alisema uzalendo kwanza imemaua kuchangia vifaa tiba kwa hospitali ya Tanga na kwamba kampeni hizo zitaelekea mikoa mingine mbali mbali ikiwemo Lindi na Mtwara, Dodoma, Arusha, na Mwanza.

Mwenyekiti wa UZALENDO KWANZA, Steve Nyerere akiwatambulisha baadhi ya wazanii ambao wanaunda UZALENDO KWANZA.
Mkuu wa mkoa wa Tanga, Martin Shigella akimtunza msanii wa UZALENDO KWANZA ambaye alikuwa akitoa burudani.
Meza kuu ikifuatilia tukio wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga. Katikati ni Mkuu wa Mkoa wa Tanga, Mhe. Martine Shigela, akifuatiwa na Mkuu wa Wilaya ya Tanga Mjini, Mhe. Thobias Mwilapwa na mwenyekiti wa UZALENDO KWANZA, Steve Nyerere.
Mkuu wa Mkoa wa Tanga, Mhe. Martine Shigela, akiteta jambo na Mwenyekiti wa UZALENDO KWANZA, Steve Nyerere wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga. Kutoka kulia ni mkuu wa Mkuu wa Wilaya ya Handeni, Godwin Gondwe, Mkuu wa wilaya ya Tanga Mhe. Thobias Mwilapwa na mwishoni kushoto ni Mstahiki Meya wa Jiji la Tanga.Alhaji Mustapha Selebosi.
Wasanii wa UZALENDO KWANZA akitoa burudani wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.
Mkuu wa Mkoa wa Tanga, Mhe. Martine Shigela, akisalimiana na Msanii Ruby ambaye ni mmoja ya wana UZALENDO KWANZA wakati wa hafla ya kukabidhi vifaa tiba iliyofanyika katika viwanja vya Tanga Manno mjini Tanga.
Mkuu wa Mkoa wa Tanga, Mhe. Martine Shigela, akiteta jambo na Mwenyekiti wa UZALENDO KWANZA, Steve Nyerere.
UZALENDO KWANZA wakiwa katika picha ya pamoja mara baada ya kukabidhi vifaa tiba..
Mkuu wa Mkoa wa Tanga Mhe. Martine Shigela akiwa ameongozana na Mkuu wa wilaya ya Tanga Mhe. Thobias Mwilapwa (wa kwanza kushoto), Mstahiki Meya wa Jiji la Tanga.Alhaji Mustapha Selebosi (mwenye tisheti ya mistari) pamoja na Mwenyekiti wa UZALENDO KWANZA, Steve Nyerere wakati akipokea vifaa tiba kutoka kwa UZALENDO KWANZA ambao wametoa vifaa tiba.
MAYANGA ATAJA TAIFA STARS KUIVAA MALAWI

MAYANGA ATAJA TAIFA STARS KUIVAA MALAWI

Kocha Mkuu wa timu ya Mpira wa Miguu ya Tanzania ‘Taifa Stars’, Salum Shabani Mayanga ( pichani juu ) ametangaza kikosi kipya kitakachocheza na Malawi ‘The Flame’ katika mchezo wa kirafiki wa kimataifa chini ya utaratibu wa kalenda ya Shirikisho la Kimataifa la Mpira wa Miguu (FIFA).

Wiki ya FIFA kwa mechi za kimataifa inatarajiwa kuanza Jumatatu Oktoba 2 hadi Jumatano ya Oktoba 11, mwaka huu ambako Tanzania imekubaliana kucheza Malawi kwenye Uwanja wa Uhuru jijini Dar es Salaam Jumamosi ya Oktoba 7, 2017 katika mchezo utakaoanza saa 10.00 jioni.

Katika kikosi hicho cha wachezaji 22, Kocha Mayanga ambaye aliteuliwa Januari 4, mwaka huu ameita nyota watano wanacheza soka nje ya mipaka ya Tanzania akiwamo nahodha wa kikosi hicho, Mbwana Ally Samatta.

Kikosi hicho kinachotarajiwa kuingia kambini Ijumaa Oktoba mosi, mwaka huu kwenye Hoteli ya Sea Scape iliyoko Kunduchi, Dar es Salaam kina makipa Aishi Manula (Simba SC), Ramadhani Kabwili (Young Africans) na Peter Manyika (Singida United).

Walinzi ni Gadiel Michael (Young Africans), Boniphas Maganga (Mbao FC), Abdi Banda (Baroka FC/Afrika Kusini), Kelvin Yondani (Young Africans), Salim Mbonde (Simba SC), Erasto Nyoni (Simba SC) na Adeyum Ahmed (Kagera Sugar).

Viungo wa kati ni Himid Mao - Nahodha Msaidizi (Azam FC), Hamis Abdallah (Sony Sugar/Kenya), Mzamiru Yassin (Simba SC) na Raphael Daud (Young Africans).

Viungo wa pembeni ni Saimon Msuva (Difaa El Jadidah/Morocco), Shizza Kichuya (Simba SC), Abdul Hilal (Tusker/Kenya), Ibrahim Ajib (Young Africans) na Morel Orgenes (FC Famalicao/Ureno).

Washambuliaji ni Mbwana Samatta (KRC Genk/Ubelgiji) na Mbaraka Yussuph (Azam FC). 

Benchi la Ufundi la Mayanga linaundwa na yeye mwenyewe ambaye ni Kocha Mkuu, Fulgence Novatus (Kocha Msaidizi), Ame Ninje (Kocha Msaidizi), Patrick Mwangata (Kocha wa Makipa), Danny Msangi (Meneja), Dkt. Richard Yomba (Daktari wa timu), Dkt. Gilbert Kigadye (Daktari wa Viungo) na Ally Ruvu (Mtunza Vifaa).
CRC YAZINDUA MRADI WA UTOAJI HUDUMA ZA MSAADA WA KISHERIA

CRC YAZINDUA MRADI WA UTOAJI HUDUMA ZA MSAADA WA KISHERIA

Mwenyekiti wa Kituo cha Usuluhishi wa masuala ya kijamii na kijinsia, CRC, Saida Mukhi akizungumza na washiriki wa warsha kwa wadau wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia kwenye wilaya mbili za mkoa wa Dar es Salaam, Kinondoni na Ubungo. Kulia ni Mratibu wa Kituo cha Usuluhishi cha CRC, Bi. Gladness Munuo.
Mwenyekiti wa Kituo cha Usuluhishi wa masuala ya kijamii na kijinsia, CRC, Saida Mukhi (kulia) akizungumza na washiriki wa warsha kwa wadau wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia.
Ofisa Mradi wa Kituo cha Usuluhishi wa masuala ya kijamii na kijinsia, CRC, Suzan Charles akitoa ufafanua juu ya mradi wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia kwenye wilaya mbili za mkoa wa Dar es Salaam.
Mmoja wa washiriki wa warsha hiyo kwa wadau wa utoaji wa huduma za msaada wa kisheria na ushauri nasihi akichangia mada

KITUO cha Usuluhishi wa masuala ya kijamii na kijinsia, CRC kimezinduwa mradi wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia kwenye wilaya mbili za mkoa wa Dar es Salaam, yaani Kinondoni na Ubungo.

Akizungumza na wadau wa mradi huo yaani baadhi ya wasaidizi wa sheria, maofisa ustawi wa jamii, wanasheria, mahakimu, Askari Polisi Dawati la Jinsia, maofisa watendaji wa mitaa kutoka wilaya za Kinondoni na Ubungo, Mwenyekiti wa CRC, Saida Mukhi aliwataka wadau hao kushirikiana ili kuhakikisha vitendo vya ukatili wa kijinsia vinakomeshwa na kupungua.

Alisema lengo la mradi huo unaofadhiliwa na shirika la Legal Service Facilities (LSF) ni kuhimarisha zaidi upatikanaji wa msaada wa kisheria na ushauri nasihi kwa wahanga wa ukatili wa kijinsia. Aliongeza kuwa mradi huo utajikita zaidi katika utoaji wa msaada wa kisheria na ushauri nasihi kwa waathirika na kuhakikisha mfumo wa upatikanaji wa haki unafanya kazi vizuri.

“…wadau katika maeneo hayo mnatakiwa kuhakikisha tunapinga vitendo vya ukatili wa kijinsia ambavyo vinaweza kusababisha madhara ya mwili, kingono au kisaikolojia au mateso kwa wanajamii, ikiwa ni pamoja na wahusika kunyimwa uhuru,” alisema Bi. Saida Mukhi akifungua warsha ya wadau hao.

Kwa upande wake, Mratibu wa Kituo cha Usuluhishi cha CRC, Bi. Gladness Munuo akifafanua zaidi kwa washiriki wa semina hiyo alisema mradi huo utaendeshwa katika Kata za Makumbusho na Kawe kwa Wilaya ya Kinondoni huku kwa Wilaya ya Ubungo utajikita kwenye Kata ya Saranga.

Alisema CRC itashirikiana na wadau katika maeneo hayo kuhakikisha inapiga vita vitendo vya ukatili wa kijinsia ambavyo mara nyingi vimekuwa na madhara ya mwili, kingono au kisaikolojia au mateso kwa wanajamii na mara nyingine kuwanyima uhuru.
Sehemu ya washiriki wa warsha kwa wadau wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia kwenye wilaya mbili za mkoa wa Dar es Salaam, Kinondoni (Kata za Makumbusho na Kawe) na Ubungo (Kata ya Saranga).
Sehemu ya washiriki wa warsha kwa wadau wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia kwenye wilaya mbili za mkoa wa Dar es Salaam, Kinondoni (Kata za Makumbusho na Kawe) na Ubungo (Kata ya Saranga).
Picha ya pamoja ya washiriki wa warsha kwa wadau wa utoaji wa huduma za msaada wa kisheria na ushauri nasihi kwa wahanga wa vitendo vya ukatili wa kijinsia wakiwa na mgeni rasmi Bi. Saida Mukhi.
DOKTA MPANGO AAGIZA WATUMISHI WA TRA BANDARINI DAR ES SALAAM WAFUMULIWE

DOKTA MPANGO AAGIZA WATUMISHI WA TRA BANDARINI DAR ES SALAAM WAFUMULIWE

Waziri wa Fedha na Mipango Mhe. Dkt. Philip Isdor Mpango (Mb) (wa pili kulia) akiwa katika kikao na Maafisa Waandamizi wa Mamlaka ya Mapato Tanzania (TRA) alipofanya ziara ya kukagua utendaji ambapo aliwataka kuchukua hatua dhidi ya watumishi wasiowaaminifu wanaolikosesha Taifa mapato stahiki.
Meneja wa Idara ya Forodha, Mamlaka ya Mapato Tanzania (TRA) Bandari ya dar es Salaam, Bw. John Micah (kulia) na Meneja anaye husika na suala la Mafuta Bw. Stephen Malekano (kushoto) wakimsikiliza Waziri wa Fedha na Mipango Mhe. Dkt. Philip Isdor Mpango (hayupo pichani) alipofanya ziara Idara ya Forodha, Bandarini, Jijini Dar es Salaam.
Meneja wa Forodha Mamlaka ya Mapato Tanzania (TRA), bandaro ya dar es Salaam, Bw. John Micah, akifafanua jambo kwa Waziri wa Fedha na Mipango Mhe. Dkt. Philip Isdor Mpango (Mb)(hayupo pichani), alipofanya ziara ya kushitukiza bandarini, Jijini Dar es Salaam.
Waziri wa Fedha na Mipango, Mhe. Dkt. Philip Isdor Mpango (Mb), (wa pili kushoto) akitoa maelekezo kwa Maafisa waandamizi wa Mamlaka ya mapato Tanzania-TRA, alipofanya ziara ya kushitukiza bandari ya Dar es Salaam na kuagiza kitengo cha ukaguzi na upimaji wa mizigo bandarini kifumuliwe baada ya watumishi wake kutofanyakazi ya kukusanya mapato ya Serikali ipasavyo
Afisa Kitengo cha Bandari Majahazi, Bw. Mahmood Makame, akifafanua jambo mbele ya Waziri wa Fedha na Mipango Mhe. Dkt. Philip Isdor Mpango (Mb) (kushoto) kuhusu changamoto ya elimu kuhusu masuala ya kodi kwa wateja wanaotumia Bandari ya Dar es Salaam, alipofanya ziara ya kushitukiza katika ofisi hiyo.(Picha na Kitengo cha Mawasiliano Serikalini-Wizara ya Fedha na Mipango)

Benny Mwaipaja, WFM, Dar es Salaam

WAZIRI wa Fedha na Mipango, Dkt. Philip Mpango, amefanya ziara ya kushitukiza katika Kituo cha Forodha Bandarini, kilichoko katika Bandari ya Dar es Salaam na kuiagiza Mamlaka ya Mapato Tanzania TRA, kufanya mabadiliko makubwa ya watumishi walioko katika idara ya upimaji na ukaguzi wa mizigo baada ya kubainika kuwa baadhi yao wanajihusisha kwa namna moja au nyingine na upotevu wa mapato ya Serikali.

Dokta Mpango ametoa muda wa siku saba kwa TRA kumpa taarifa kamili ya utekelezaji wa maagizo hayo, ikiwemo kuwahamisha watumishi wote waliokaa muda mrefu kwenye eneo hilo la upimaji na ukaguzi wa mizigo ili kuongeza ufanisi wa ukusanyaji mapato ya Serikali katika Bandari hiyo.

Ameshangazwa na kitendo cha Mapato katika Bandari ya Dar es Salaam kutoongezeka licha ya juhudi kubwa zinazofanywa na Serikali ya Awamu ya Tano, kuboresha Bandari hiyo kutokana na baadhi ya watumishi wasio waaminifu kushirikiana na wafanyabiashara wasio waaminifu kukwepa kodi ya serikali.

“Pamoja na kuwepo kwa mitambo ya kukagua mizigo (Scanners), baadhi ya bidhaa zinakadiriwa kodi ndogo ikilinganishwa na thamani ya mizigo huku mizigo mingine ikiwa si ile iliyotajwa kuwemo kwenye makontena na hupitishwa na watumishi wasio waaminifu” alisisitiza Dokta Mpango.

Aidha, Waziri huyo wa Fedha na Mipango ameuagiza ungozi wa TRA kuhakikisha kuwa wanaongeza mapato katika bandari ya majahazi kutoka wastani wa mapato ya shilingi bilioni 3.5 kwa mwezi hadi shilingi bilioni 5, kulingana na malengo yaliyowekwa baada ya kubainika kuwa kuna ukwepaji mkubwa wa mapato ya Serikali katika eneo hilo.

Dokta Mpango ameuambia uongozi huo wa Mamlaka ya Mapato nchini TRA kuhakikisha kuwa Bandari ya Majahazi ianze mara moja kutumia mfumo wa kukusanya mapato ujulikanao kama TANSIS ili kudhibiti mianya ya ukwepaji kodi.

Aidha, ameviagiza vyombo vya dola kuwachunguza watumishi wote wakiwemo wa ngazi za juu katika idara ya forodha bandarini na kuwachukulia hatua kali wale wote watakao bainika kujihusisha na vitendo vyovyote vinavyoikosesha Serikali mapato yake.
WAZIRI MBARAWA ALITAKA BARAZA LA TAIFA LA UJENZI KUAANISHA GHARAMA ZA UJENZI WA MIRADI YAO

WAZIRI MBARAWA ALITAKA BARAZA LA TAIFA LA UJENZI KUAANISHA GHARAMA ZA UJENZI WA MIRADI YAO

Waziri wa Ujenzi, Uchukuzi na Mawasiliano Profesa Makame Mbarawa akihutubia wakati wa ufunguzi wa Semina ya siku moja ya wadau wa sekta ya ujenzi iliyohusu uboreshaji wa utendaji kazi wa Baraza la Taifa la Ujenzi (NCC), jijini Dar es Salaam jana.
Mwenyekiti wa Baraza hilo Mayunga Nkunya (wa tatu kushoto) akimpongeza Waziri wa Ujenzi, Uchukuzi na Mawasiliano Profesa Makame Mbarawa baada ya kutoa hutuba yake.
Mwenyekiti wa Baraza hilo Mayunga Nkunya, akitoa hutuba katika semina hiyo.
Wadau wa sekta ya ujenzi wakiwa kwenye semina hiyo wakimsikiliza Wziri Mbarawa.
                                                                                           Wadau wa sekta ya ujenzi.
                                                                          Taswira ya ukumbi wa semina.
Wadau wa sekta ya ujenzi wakiwa katika picha ya pamoja na mgeni rasmi Waziri Mbarawa.

                                                                                                       Na Dotto Mwaibale

WAZIRI wa Ujenzi, Uchukuzi na Mawasiliano Profesa Makame Mbarawa ameliagiza Baraza la Taifa la Ujenzi (NCC) kuhakikisha linaanisha gharama za Ujenzi wa miradi mbalimbali badala ya kutegemea makadilio ya Wakandarasi wanaopetekeleza miradi. 

Alisema hayo Jijini Dar es salaam jana wakati akifungua Semina ya Wadau wa Ujenzi iliyoandaliwa na Baraza la Taifa la Ujenzi ambapo amesema kutokan na utaratibu mbovu uliopo hivi sasa Watanzania wanatumia hata vifaa visivyokuwa na ubora wowote. 

“Sekta ya ujenzi ina mchango mkubwa katika kukuza pato la taifa na huwezesha utekelezaji wa miundombinu mbalimbali kuimarika na kuwa kichocheo kikubwa kwa sekta nyingine za kiuchumi ikiwe kilimo,utalii nishati na viwanda” alisema Mbarawa. 

Mwenyekiti wa Baraza hilo Mayunga Nkunya amemhakikishia Waziri huyo kuwa changamoto zote zilizopo kwenye Sekta hiyo zitajadiliwa katika Semina hiyo na kupatiwa majibu ili kuepusha hasara na athari ambazo zinaweza kulikumba Taifa endapo hatua hazitachukuliwa. 

Alisema changamoto ambazo waziri amewapa amezitoa kwa baraza watazisimamia vizuri na kuhakikisha viwango vya ujenzi vinatekelezeka kwa lengo la kuimarisha ubora wa majengo na miundombinu kwa ujumla. 

Aliongeza kuwa kutokana na kukosekana kwa Ushirikiano kutoka kwa wadau wa Ujenzi ndio sababu za changamoto hizo kujitokeza hivyo kupitia mkutano huo anaamini watafungua sura mpya ya maendeleo katika sekta hiyo na taifa kwa ujumla.