KIGWANGALA AWATAKA MAAFISA WA USTAWI WA JAMII KUKEMEA MAMBO YANAYOENDA KINYUME NA SHERIA ZA NCHI

Naibu Waziri wa Afya,  Maendeleo ya Jamii, Jinsia, Wazee na Watoto, Dkt. Hamis Kigwangala amewataka maafisa ustawi wa jamii nchini kuelekeza nguvu katika mapambano ya vita dhidi ya matumizi ya dawa za kulevya, vitendo vya ubakaji, ulawiti na mapenzi ya jinsia moja kwa kuwa vitendo hivyo vinatishia uhai na ustawi wa jamii.
Dkt. Kigwangala ametoa wito huo jana katika maadhimisho ya siku ya ustawi wa jamii duniani yaliyofanyika kwenye viwanja vya Taasisi ya Ustawi wa Jamii, jijini Dar es Salaam.
 
“Wito wangu kwenu kuelekeza nguvu katika maeneo haya yanayotishia uhai na ustawi wa jamii. Kwa upande wa serikali hatua madhubuti zimechukuliwa na zinaendelea kuchukuliwa ili kutokomeza matatizo haya ambayo ni kinyume na maadili yetu watanzania.”
 
“Nitumie fursa hii kuzungumzia hali ya mmomonyoko wa maadili unaolikabili taifa letu. Tunashuhudia ongezeko la matumizi ya dawa za kulevya, ukatili wa kijinsia, mapenzo ya jinsia moja, mimba za utotoni na mauaji ya vikongwe na albino. Haya ni mambo yanayohitaji ufumbuzi wa kitaaluma na taaluma yenu inayowajibu na nafasi kubwa ya kukabiliana na matatizo haya,” amesema na kuongeza.
“Nazitaka halmashauri kuwapatia ofisi za faragha maafisa ustawi wa jamii ambazo zinaendana na kazi zao. Pia mamlaka za serikali za mitaa kuomba vibali vya ajira kwa maafisa ustawi wa jamii na wasaidizi wao ambao wanahitajika kufanyakazi katika Kara,” amesema
 
Aidha, amezitaka halmashauri nchini kutenga bajeti ya kutosha ya huduma ya ustawi wa jamii kwa ajili ya kugharamia uwezeshaji wa makundi maalumu ikiwemo familia zenye dhiki, yatima na watoto walio katika mazingira hatarishi na wenye ulemavu.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post