MICHY BATSHUAYI KUONDOKA STAMFORD BRIDGE

Vinara wa ligi kuu ays oka nchini England (Chelsea), wamepanga kumtema mshambuliaji wao kutoka nchini Ubelgiji Michy Batshuayi itakapofika mwishoni mwa msimu huu.
Gazeti la The Daily Mirror limeripoti kuwa, meneja wa Chelsea Antonio Conte ameonyesha utayari wa kuona mshambuliaji huyo anaondoka mwishoni mwa msimu huu, bila kujali gharama kubwa iliyotumika kwa ajili ya usajili wake mwanzoni mwa msimu huu.
Batshuayi, mwenye umri wa miaka 23, alisajiliwa na The Blues akitokea nchini Ufaransa alipokua akiitumikia klabu ya Olympique Marseille kwa ada ya Pauni milioni 33.
Mpaka sasa ameshindwa kujihakikishia nafasi ya kucheza katika kikosi cha kwanza cha The Blues, hali ambayo inaendelea kumpa msukumo Antonio Conte kumruhusu aondoke.
Conte amekua akishindwa kumtumia Batshuayi, hata inapotokea mshambuliaji Diego Costa akiwa majeruhi.
Tangu mwanzoni mwa msimu huu Batshuayi, amecheza michezo 16 akitumika kama mchezaji wa akiba na mara tano akicheza katika kikosi cha kwanza.
Ameshafunga mabao matano katika michezo 21 aliyocheza, takwimu ambazo haziendeni na thamani ya pesa iliyotumika kumsajili akitokea Ufaransa.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post