ASKOFU GWAJIMA KUPANDISHWA KIZIMBANI LEO MAHAKAMA YA KISUTU

Askofu Mkuu wa Kanisa la Ufufuo na Uzima, Josephat Gwajima na wenzake watatu watapanda tena kizimbani leo katika Mahakama ya Hakimu Mkazi Kisutu kujitetea katika kesi ya kushindwa kuhifadhi silaha inayowakabili.
Kesi hiyo ambayo upande wa utetezi inawakilishwa na wakili Peter Kibatala na Faraja Mangula ilikuwa isikilizwe jana lakini Hakimu Mfawidhi, Cyprian Mkeha anayesikiliza kesi hiyo hakuwepo, na hivyo ikaahirishwa hadi leo ambapo upande wa ushahidi watakapoendelea kutoa utetezi wao.
Katika kesi hiyo, Askofu Gwajima anakabiliwa na shtaka la kushindwa kuhifadhi silaha na risasi anayomiliki kihalali kwa sababu za kiusalama.
Washtakiwa wengine katika kesi hiyo ni Geroge Msava ambaye ni msaidizi wa Askofu Gwajima, Yekonai Bihagaze na George Milulu ambao wanakabiliwa na shtaka la kukutwa wanamiliki silaha (bastola aina ya berreta na risasi 20) kinyume na sheria.
Machi 25 wanadaiwa kuwa walikuwa katika Hospitali ya TMJ, Mikocheni A jijini Dar es Salaam wakimiliki silaha hiyo bila kibali kutoka kwa mamlaka inayohusika na silaha na milipuko.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post