TANZIA: MCHEZAJI WA AZAM FC, FRANK DOMAYO AFIWA NA BABA YAKE MZAZI

KLABU Bingwa ya Afrika Mashariki na Kati, Azam FC, inasikitika kutangaza kifo cha baba mzazi wa kiungo wa timu hiyo Frank Domayo, anayejulikana kama Raymond Domayo, aliyefariki dunia usiku wa kuamkia leo katika Hospitali ya Taifa ya Muhimbili (MNH) baada ya kuugua ghafla.
Uongozi wa Azam FC unachukua fursa hii kutuma salamu za rambirambi kwa familia ya Domayo kutokana na pigo hilo na itaendelea kuwa pamoja na mchezaji wetu huyo katika kipindi hiki kigumu pamoja na ndugu jamaa na marafiki walioguswa moja kwa moja na msiba huo.
Kikosi cha Klabu Bingwa ya Afrika Mashariki na Kati, Azam FC, mchana huu kimeenda kutoa pole kwenye familia ya kiungo wa timu hiyo, Frank Domayo.
Wachezaji wa Azam FC pamoja na benchi la ufundi na wafanyakazi wengine wa Azam FC, waliokuwemo kwenye msafara wa timu hiyo uliotokea jijini Tanga kucheza dhidi ya JKT Ruvu jana, walimsindikiza Domayo na kujumuika naye katika kuomboleza kifo hicho.
Kutokana na Azam FC kuguswa kwa moja kwa moja kwenye msiba huo, uongozi utaendelea kuwa pamoja na Domayo kwa hali na mali, na ndugu, jamaa na marafiki wanohusika na msiba huo katika kipindi hiki kigumu.
Kwa mujibu wa Wanafamilia, mazishi ya Mzee Domayo yatafanyika keshokutwa Jumanne maeneo ya Kifuru, Tabata, ambapo familia ya Azam FC itajumuika naye katika kuupumzisha mwili huo katika nyumba ya milele.
Katika kufanikisha shughuli zote za mazishi, uongozi wa Azam FC umetoa basi lake dogo kwa ajili ya kusafairisha watu watakaokwenda kwenye mazishi hayo huku ikiangalia namna nyingine ya kiutawala katika kusaidia sehemu nyingine ya kufanikisha zoezi hilo.
Azam FC inawaomba mashabiki wote wa timu hiyo na wadau wa soka nchini kumuunga mkono nyota huyo wa timu ya Taifa ya Tanzania ‘Taifa Stars’ kwa kujumuika naye kwa siku ya keshokutwa katika mazishi hayo.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post