MATOKEO YA KURA ZA WABUNGE WALIZOIGA KUPITISHA BAJETI 2017/18

BUNGE la Jamhuri ya Muungano wa Tanzania limepitisha Makadirio ya Mapato na Matumizi ya Serikali kwa Mwaka wa Fedha 2017/18 kwa asilimia 73.
Bajeti hiyo ambayo ni Shilingi Trilion 31 iliwasilishwa Juni 8 mwaka huu na Waziri wa Fedha na Mipango, Dk. Philip Mpango.
Akitangaza matokeo ya upitishwaji wa Bajeti hiyo, Katibu wa Bunge, Dkt. Thomas Kashililah alisema idadi ya wabunge wote waliokuwepo 356 na kwamba waliopiga kura za ndiyo ni 260 huku kura za hapana zikiwa 95.
“Kwa matokeo haya,Bunge limepitisha Makadirio ya Mapato na Matumizi ya Serikali kwa Mwaka wa Fedha 2017/18 kwa kupigiwa kura na wabunge 260 sawa na asilimia 73,” alisema Dkt. Kashililah.
Akizungumza mara baada ya kutangazwa kwa matokeo hayo, Spika wa Bunge, Mheshimiwa Job Ndugai aliipongeza Serikali kwa niaba ya Bunge pamoja mawaziri, manaibu waziri, makatibu wakuu na watendaji wote waliofanikisha mchakato huo.
“Mchakato huu umepitia katika hatua nyingi, ninawaomba wabunge tuendelee kushiriki pia katika utekelezaji wake,” alisema.
Alisema Bajeti ya mwaka huu ni ya mfano kwa kuwa Serikali imewasikiliza wananchi na kwamba hata hivyo matatizo ya nchi hayawezi kumalizika kwa bajeti moja.
“Kwa hiyo tutaendelea kusema na kuishauri Serikali ili nchi yetu iendelee kupiga hatua,” alisema.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post