AUNT EZEKIEL : WEMA WENDA AKATUTOA HUKU TULIPO JICHIMBIA

Msanii wa filamu bongo Aunty Ezekiel, amejivunia kitendo cha msanii mwenzake ambaye pia ni rafiki yake mkubwa Wema Sepetu, kuzindua filamu ya Heaven Sent kwa aina ya kipekee, na kusema huenda likawa tumaini jipya kwa bongo movie.

Akizungumza kwenye uzinduzi wa filamu hiyo uliofanyika katika ukumbi wa sinema jijini Dar es salaam, Aunty Ezekiel amesema anaamini Wema amekuja kubadilisha tasnia ya filamu na kuwatoa shimoni wasanii hao, ambao walikuwa wanaanza kupotea kwa kukaa kimya kwa muda mrefu bila kazi mpya sokoni.

"Nimekuja kumuunga mkono Wema Sepetu ambaye amekuja na filamu mpya, naamini amekuja kuibadilisha tasnia ya filamu, labda amekuja kututoa tulipo shimoni na kutuleta juu", alisema Aunty Ezekiel.

Aunty Ezekiel aliendelea kwa kusema ...."kwa njia moja au nyingine imeleta 'bongo movie' mpya, kwa muda mrefu hakujawahi kutokea kitu kama hiki, unapoingia tu hapa unaona kabisa tasnia ya filamu inaenda kubadilika, kwa hiyo ni kitu ambacho kinanipa faraja kama msanii", aliseme muigizaji huyo.

Siku ya Jumamosi tar 26 Agosti 2017, Wema Sepetu amezindua filamu yake ya 'Heaven Sent' ambayo ilihudhuriwa na watu maarufu mbalimbli, wakiwemo waigizaji wa filamu za bongo na wa muziki pia.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post