UAMUZI WA MAHAKAMA BAADA YA CHID BENZ KUKAMATWA NA DAWA ZA KULEVYA

Kufuatia mwanamuziki Rashid Mkwiro maarufu Chid Benz na kukamatwa na dawa za kulevya, Mahakama ya Wilaya ya Ilala imeamua kumuweka chini ya uangalizi kwa kipindi cha miaka miwili baada ya upande wa mashtaka kuwasilisha hati ya kiapo dhidi ya maombi hayo.
Chid Benz alikamatwa alikamatwa na wenzake watano jijini Dar es Salaam ambapo Kamanda wa Polisi Mkoa wa Kipolisi Ilala alisema kuwa watuhumiwa hao walikamatwa na dawa za kulevya aina ya heroine.
Wakati wa kusikiliza kesi hiyo, upande wa mashtaka uliwasilisha kiapo hicho kwamba mahakama iwaweke chini ya uangalizi baada ya kubainikia kujihusha na matumizi ya dawa za kulevya.
Maombi hayo yalisikilizwa na kutolewa uamuzi jana mbele ya Hakimu Mkazi Mwandamizi Mfawidhi Ritha Tarimo.
Mbali na Chidi Benzi, wengine watakaokuwa chini ya ungalizi ni, Hadia Abeid, Said Ally, Athuman Elias na Hassan Mohamed.
Wakili wa Serikali Glory Mwenda, alidai kuwa upande wa Jamhuri unawasilisha hati ya kiapo kutoka Kituo cha Polisi Msimbazi kwamba watuhumiwa hao wamekuwa wakijihusisha na matumizi ya dawa za kulevya hivyo mahakama itoe dhamana kwani wamekuwa na tabia mbaya katika jamii.
Glory alidai kuwa wanaiomba mahakama itoe amri ya kuwaweka wajibu maombi chini ya uangalizi wa polisi na mahakama kwa kipindi kisichozidi miaka mitatu na kusaidi dhamana ambayo itahakikisha wanakuwa na tabia njema na kutojihusisha vitendo vya dawa za kulevya.
Baaada ya kuwasilishwa kwa maombi hayo, Chidbenz na wenzake hakuwa na pingamizi.
Akitoa uamuzi hakimu alisema wajibu maombi watakuwa chini ya uangalizi wa polisi miaka miwili na kudhaminiwa na wadhamini wawili watakaotia saini ya dhamana ya Sh.milioni mbili kila mmoja na kuripoti kituo cha polisi Msimbazi kwa mwezi mara moja.
Hata hivyo, mjibu maombi Ally alishindwa kutimiza masharti ya dhamana hivyo alirudishwa mahabusu.
Awali, Februari 18, 2015, Chid Benz alikiri katika Mahakama ya Hakimu Mkazi Kisutu, jijini Dar es Salaa, mashitaka matatu ya kukutwa na Dawa za kulevya aina ya Heroin yenye thamani ya Sh. 38,638, bangi ya Sh. 1,720 na vifaa ya kuvutia dawa hizo kijiko na kigae.
Msanii huyo alikiri mashitaka hayo mbele ya Hakimu Mkazi Mkuu, Warialwande Lema.Februari 26, 2015 Hakimu Lema alimhukumu kulipa faini ya Sh. 900,000 au kwenda jela miaka miwili na msanii huyo alinusurika kwenda jela baada ya kulipa faini.
Katika kesi ya Kisutu, ilidaiwa kuwa Oktoba 24, mwaka huu katika uwanja wa Ndege wa Julius Nyerere, uliopo Ilala jijini Dar es Salaam, mshtakiwa alikutwa dawa za kulevya aina ya heroin isivyo halali zenye uzito wa gramu 0.85, gramu 1.72 za bangi isivyo halali, vifaa vinavyotumika kuvuta dawa za kulevya aina ya heroin, kigae na kijiko huku akijua ni kosa.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post