ZITTO ADAIWA KUIHUJUMU NDEGE MPYA SERIKALI NCHINI CANADA

Mbunge wa Kigoma Mjini, Zitto Kabwe amekanusha vikali taarifa zinazosambazwa kwamba ameshiriki katika kuhakikisha ndege mpya ya serikali iliyonunuliwa nchini Canada inashikiliwa kufuatia deni ambalo serikali inadaiwa.
Katika taarifa aliyochapisha kwenye ukurasa wake wa Facebook, Zitto amesema kwamba madai hayo nitakata zinazotengenezwa na wapika propganda.
“Mimi binafsi filosofia yangu ni rahisi Sana ‘My Country, Right or Wrong’. Maneno yanayosambazwa kuwa nimeshiriki kuwezesha ndege ya Bombardier iliyonunuliwa na Serikali kwa niaba ya ATCL kukamatwa huko Canada ni takataka tu zinazosambazwa na wapika propaganda.
Zitto ambaye ni Kiongozi Mkuu wa ACT-Wazalendo alisema kwamba, suala la ndege ya serikali kuzuiwa Canada lisifanywe ni la ushabiki kama ushabiki wa mpira. Ni suala la Nchi hili na mjadala wake uwe na hadhi hiyo. Kitendo cha Msemaji wa Serikali kulaumu wanasiasa kwa jambo la kisheria kama hili ni utoto. Hakuna mwanasiasa anayeweza kushirikiana na kampuni za kigeni kuhujumu nchi.
Alisema wao kaka vyama vya upinzani ambavyo vipo nje ya serikali wajibu wao ni kuhoji jambo lolo na pia ni haki yao kupata taarifa zozote kutoka mahala popote zitakazosaidia kuisimamia Serikali.
“Wajibu wa Serikali ni kujibu hoja zinazoibuliwa. Majibu ya Msemaji wa Serikali yanataka kuligeuza suala hili kuwa la kisiasa na watu wameangukia kwenye ushabiki huo. Hili ni suala la kisheria na suala la nchi ambayo sisi wote tuna maslahi ya kuona inakwenda mbele,” alisema Zitto.
Kuhusu ndege ya serikali kuzuiliwa kutokana na deni inalodaiwa, Zitto alisema, nchi kudaiwa sio dhambi. Hata mataifa makubwa duniani yanadaiwa. Watu binafsi tunadaiwa sembuse Serikali? Mimi ninadaiwa madeni ya uchaguzi mpaka sasa na wengine wamenipeleka mahakamani. Sio dhambi kudaiwa. Muhimu ni 1) Deni limetokana na nini? Ni maamuzi mabovu ya kisiasa? 2) unalipa deni hilo au kuweka mikakati ya kulipa?
Serikali yetu inafahamu kuwa nchi yetu ina madeni mengi na miongoni mwa madeni hayo yameshaamuliwa na mahakama. Kinachopaswa ni kuwa na maarifa ya kupita ili kuzuia mali zetu nje kuzuiwa kama ilivyo kwa ndege hii. Serikali iwe wazi kuhusu suala hili la ndege. Je! Ile ya Boeing (Terrible Teen) ipo salama? Madeni mengine yenye amri ya mahakama ni yepi? Kwanini Serikali inasubiri kuhojiwa ndio itoe taarifa? aliandika Zitto Kabwe.
Zitto ameitaka serikali kuelezea nini kimetokea na iachane na tabia ya kutafuta mchawi kwamba wanasiasa ndio waliosababisha ndege hiyo kuzuiwa.
Kwa mujibu wa Tundu Lissu, ndege hiyo imezuiliwa nchini Canada na Kampuni ya Stirling Civil Engineering Ltd inayoidai serikali USD 38.7 milioni (Tsh 87 bilioni). Ndege hiyo mpya ya serikali ina thamani ya Tsh 70.4 bilioni.
JIUNGE NA ZOTEKALI BLOG
Katika FACEBOOK, TWITTER, INSTAGRAM ili kupata habari zetu kirahisi install app ya ZOTEKALI BLOG HAPA
HTML tutorial

Sambaza habari kwa marafiki

Author:

Best Tanzania, Africa and World News Blog, Gossip, Entertainment, Life and Health Tips, Employment and Opportunies,Celebs life and Scandals..... Updated Daily .

Previous Post
Next Post